Ардактуу карыялар, кадырлуу ата-апалар!
Сиздерди эл аралык карылар күнү менен Талас шаарынын мэриясынын атынан чын жүрөктөн куттуктайбыз.
Сиздердин басып өткөн байсалдуу жолуңуздар, ак мээнетиңиздер жана жаш муунга берген таалим-тарбияңыздар коомубуз үчүн баа жеткис мурас.
Эмгегиңиздер жана жашоодогу бай тажрыйбаңыздар кийинки муундар үчүн чоң өрнөк. Сиздердин акыл-насаатыңыздар, баталарыңыздар ар дайым элибизге дем-күч берип келет.
Сиздерге чың ден соолук, узак өмүр, үй-бүлөлүк бакыт жана бейпил жашоо каалайбыз. Балдарыңыздардын, неберелериңиздердин сый-урматын көрүп, жакындарыңыздардын мээримине бөлөнүп, ар дайым төрдүн көркү болуп жүрө бериңиздер!
Урматтоо менен Талас шаарынын мэриясы