Жергиликтүү бийлик жаштар жана чоӊдор арасындагы Азия биринчилигинде Талас шаарынын атын чыгарган спортчуларды жана машыктыруучуларды сыйлады.
Эл аралык мелдештерде грек-рим күрөшүнөн жана бокстан ийгилик жараткан 6 спортчуга жана алардын машыктыруучулары акчалай сертификаттар тапшырылды.Талас шаарынын мэринин милдетин аткаруучу Айбек Көчөрбаев, шаардык кеӊештин төрагасы Калыс Жаныбеков баштаган депутаттар сыйлык ээлерин, алардын ата-энелерин жана машыктыруучуларын куттуктап, мындан аркы кадамдарына ийгилик каалашты.
