Бүгүн, 24-январда Талас шаардык көркөм сүрөт музейинде “Кыргыз-немец достук көпүрөсү” аталышында фото-сүрөт көргөзмөсү болуп өттү. Көргөзмө КРдин Президенти Садыр Жапаровдун “Инсандын руханий адеп ахлактык өнүгүүсү жана дене тарбиясы” жөнүндө концепциясынын негизинде Кара-Кыргыз автономиялуу облусунун 100 жылдыгына жана Талас облусунун 80 жылдыгына карата уюштурулду. Бул ирет фото-сүрөт көргөзмө тарыхый баалуу сүрөттөр менен толукталды.
Иш – чара Бакай-Ата районунун ардагерлери тарабынан уюштурулуп, ага КРдин Президентинин Талас облусундагы ыйгарым укуктуу өкүлүнүн орун басары Мира Сейдикеримова, улуу муундун интеллегенция өкүлдөрү катышышты.
