Бүгүн, Талас шаарындагы №6 Сагын Абдуллаев атындагы орто мектебинде белгилүү педагог жана коомдук ишмер Сагын Абдуллаевдин жаркын элесине арналган музей ачылды.
Иш-чарага Талас шаарынын вице-мэри Айбек Көчөрбаев, мугалимдер, окуучулар катышты.
Музейде Сагын Абдуллаевдин өмүр жолу жана эмгек тарыхы чагылдырылган сүрөттөр, анын күнүмдүк жашоосунда колдонгон жеке буюмдары жана педагогдук ишмердүүлүгүнө байланышкан материалдар жайгаштырылды.
