“Урматтуу мугалимдер, кадырлуу агайлар жана эжекелер!
Сиздерди бүгүнкү кесиптик майрамыңыздар – Мугалимдер күнү менен чын жүрөктөн куттуктайм! Бул күндө билимге суусаган балдарга, жаштарга акыл-нур берип, аларды чоң турмушка даярдап жаткан сиздердин эмгегиңиздер өзгөчө бааланат.
Ар бир ийгиликке жеткен жарандын артында – тажрыйбалуу, чебер мугалимдердин эмгеги турат. Сиздердин сабырдуулук менен талыкпай берген билимиңиздер өлкөбүздүн келечеги үчүн түптөлгөн бекем пайдубал. Окуучуларыңыздардын жетишкендиктери – сиздердин талыкпаган эмгегиңиздердин, аракеттериңиздердин натыйжасы.
Сиздерди кесиптик майрамыңыздар менен куттуктап, ден соолук, бакубатчылык жана сабак берүү ишиңиздерде чексиз ийгиликтерди каалайм! Баардык алгылыктуу иштериңиздердин акыбети кайтсын!
Майрамыңыздар менен!“
