Талас шаарынын мэри Нургазы Асылбеков шаар аймагындагы эт саткан соода жайларын кыдырып, Монополияга каршы жөнгө салуу кызматы тарабынан бекитилген эт бааларынын сакталуусун текшерди.
Бекитилген бааларга ылайык:
• Сөөктүү уй этинин 1 килограммы — 630 сомдон жогору сатылбоого тийиш;
• Сөөктүү кой этинин 1 килограммы — 650 сомдон жогору сатылбоого тийиш.
Текшерүүнүн жүрүшүндө мэр ишкерлерге санитардык-гигиеналык талаптарды так аткаруу зарылдыгын, ошондой эле эттин баасын негизсиз жогорулатууга жол берилбей турганын эскертти.
Иш-чаранын максаты — баалардын туруктуулугун камсыздоо, адилеттүү сооданы колдоо жана шаар тургундарына жеткиликтүү баада сапаттуу азык-түлүктөрдү сунуштоо болуп саналат.
