5-майда Талас шаарында Улуу Ата Мекендик согуштун 80 жылдыгына карата орто мектептердин жана орто-кесиптик билим берүү жайларынын арасында аскердик-дене тарбиялык эстафета өттү. Бул иш-чара Талас шаардык мэриясынын, билим берүү мекемелеринин жана “Кызыл Ай” коомунун колдоосу менен жогорку деңгээлде өткөрүлдү.
Иш-чаранын негизги максаты – жаш муунду аскердик-патриоттук духта тарбиялоо, Улуу Жеңиш күнүнүн тарыхый маанисин эскерүү жана даңазалоо болуп эсептелет. Эстафета беш негизги этаптан туруп, катышуучулар ар түрдүү багыттарда күч сынашты:
- Катарда жүрүү жана командалык даярдык;
- Алгачкы медициналык жардам көрсөтүү көндүмдөрү;
- Аскердик даярдык (автомат чачуу жана кайра жыйноо);
- Спорттук таймаштар (кросс чуркоо, топ ыргытуу, тартынуу);
- Көркөм чыгармачылык программа (ыр, бий, декламация).
Бардык тапшырмалар 5 баллдык система менен бааланып, жыйынтыгында төмөнкү мектептер мыкты көрсөткүчтөргө жетишти:
Мектептер арасында:
1-орун – №2 орто мектеп (260 балл)
2-орун – №7 орто мектеп (259 балл)
3-орун – №3 орто мектеп (248 балл)
4-орун – №1 орто мектеп (212 балл)
5-орун – №4 орто мектеп (186 балл)
Орто-кесиптик окуу жайлар арасында:
1-орунду Талас агрардык-экономикалык колледжи ээледи.
Мындан тышкары, өзүнчө өткөрүлгөн көркөм чыгармачылык кароо-сынагы да катышуучулардын патриоттук сезимин, чыгармачылыгын жана талантын даңазалап берди. Анда ар бир команда өз ыктыяры менен аскердик-патриоттук ырларды, бийлерди жана поэтикалык чыгармаларды тартуулашты.
Жеңүүчүлөргө дипломдор жана баалуу белектер тапшырылып, иш-чара шаңдуу маанайда жыйынтыкталды.
